ኦሞ ባንክ አህጉራዊ የንግድ ትስስርን የሚያጠናክር የትብብር ስምምነት ተፈራረመ

ኦሞ ባንክ የፋይናንስ አካታችነትን ለማስፋትና የኢትዮጵያ የንግድ ድርጅቶችን ከአፍሪካ ገበያ ጋር ለማስተሳሰር ከአፍሪካ ኤሌክትሮኒክ ትሬድ ግሩፕ (AeTrade Group) ጋር ስትራቴጂያዊ የትብብር ስምምነት ተፈራረመ።
ቀን 13/2/2019 ዓ/ም
ስምምነቱ በቴክኖሎጂ ሽግግር፣ በአቅም ግንባታ፣ በፋይናንስ አቅርቦትና በዲጂታል የንግድ ትስስር ላይ የሚያተኩር ሲሆን በተለይም አዳጊ፣ አነስተኛና መካከለኛ የንግድ ድርጅቶች ተወዳዳሪነታቸውን እንዲያጠናክሩና የገበያ ተደራሽነታቸውን እንዲያሰፉ ያግዛል።

በፊርማ ሥነ ሥርዓቱ የኦሞ ባንክ ፕሬዝዳንት አቶ ብሩክ ዋለልኝ ትብብሩ የባንኩን ሰፊ የደንበኞች መሠረት ከቴክኖሎጂና ከአህጉራዊ የገበያ ዕድሎች ጋር በማገናኘት የፋይናንስ አካታችነትን ለማጠናከር የሚያስችል ቁልፍ እርምጃ መሆኑን ገልጸዋል።

የአፍሪካ ኤሌክትሮኒክ ትሬድ ግሩፕ ዋና ሥራ አስፈጻሚ አቶ ሙሉዓለም ስዩም በበኩላቸው የትብብሩን ተግባራት በአጭር ጊዜ ውስጥ ለማስጀመር የጋራ የድርጊት መርሐ ግብር እንደሚዘጋጅ አስታውቀዋል።

ኦሞ ባንክ — የሁላችንም ባንክ!

Leave a Reply

Your email address will not be published. Required fields are marked *