News
የኦሞ ባንክ የክልሉን ማህበረሰብ ህይወት በተጨባጭ በሚቀይሩ ተግባራት ላይ አበክሮ ሊሰራ ይገባል – የደቡብ ኢትዮጵያ ክልል ርዕሰ መስተዳድር ተስፋዬ በልጂጌ (ዶ/ር)
ኦሞ ባንክ የክልሉን ማኅበረሰብ ሕይወት በተጨባጭ በሚቀይሩ ተግባራት ላይ አበክሮ ሊሠራ እንደሚገባ የደቡብ ኢትዮጵያ ክልል ርዕሰ መስተዳድር ተስፋዬ በልጂጌ (ዶ/ር) ገለጹ።
የውይይቱ ዓላማ
ባንኩ በቀጣይ ከክልሉ ጋር በሚያከናውናቸው ተግባራት ዙሪያ ከክልሉ ከፍተኛ አመራሮች ጋር ውይይት አድርጓል።
የኦሞ ባንክ አመራሮች አቋም
የኦሞ ባንክ ፕሬዝዳንት አቶ ብሩክ ዋለልኝ፣ የደቡብ ኢትዮጵያ ክልል በርካታ የተፈጥሮና ሰው ሠራሽ ሀብቶች ባለቤት በመሆኑ ባንኩ ይህንን አቅም ወደ ብልፅግና ለመቀየር እንደሚሠራ ተናግረዋል። መንግሥት የያዛቸውን የልማት ዕቅዶች ወደ መሬት ለማውረድም ባንኩ እየሠራ እንደሚገኝ አብራርተዋል።
የባንኩ ማርኬቲንግና ኮሙኒኬሽን ዳይሬክተር ወ/ሮ ምስራቅ አለም ከበደ በበኩላቸው፣ ኦሞ ባንክ በሥራ ዕድል ፈጠራ ላይ ትኩረት የሚያደርግ መሆኑን ጠቁመዋል።
ኦሞ ባንክ በጨረፍታ
|
238
ቅርንጫፎች
|
19
ዲስትሪክቶች
|
4,220
ሠራተኞች
|
4
ክልሎች
|
ኦሞ ባንክ 238 ቅርንጫፎችንና 19 ዲስትሪክቶችን፣ እንዲሁም 4,220 የሚሆኑ ሠራተኞችን ይዞ በአራቱም ክልሎች እየሠራ የሚገኝ ሲሆን፣ ወደ ሌሎች ክልሎችም በመስፋፋት ላይ ያለ ተቋም ነው።
የርዕሰ መስተዳድሩ አስተያየትና አቅጣጫ
የደቡብ ኢትዮጵያ ክልል ርዕሰ መስተዳድር ተስፋዬ በልጂጌ (ዶ/ር)፣ ባንኩ ከማይክሮ ፋይናንስ ጀምሮ የኅብረተሰቡን የኑሮ ሁኔታ በማሻሻል ረገድ ትልቅ አስተዋጽኦ ማበርከቱን ገልጸዋል።
በተጨማሪም በሚከተሉት ዘርፎች በስፋት ሊሠራ እንደሚገባ አሳስበዋል።
ኦሞ ባንክ — የሁላችንም ባንክ!





